يانجمة فى العلالى

بسم الله الرحمن الرحيم

بعد اغيبة الطويلة قررت اجيبلكم

حاجة جديدة

ربنا يستر

وتعجبكم

.............................................

يانجمة فى العلالى آه لو حبيبى جالى

ويعرف اللى بيا هيرق قوام لحالى

يانجمة ساطعة فوق حبيبى حلو ذوق

حلاوته من غير حد وليها طعم وشوق

يانجمة اوعى تغيبى اخاف يغيب حبيبى

والدنيا تبقى ضلمة ويضيع معاه نصيبى

يانجمة هاتى الهنا اعيش معاه ميت سنة

والعمر يحلى بطوله ويكبر معاه حبنا

النوم هجرنى وراح والنجم قالى سماح

هاسيبك انت وحيد وانام انا وارتاح

هل القمر وانغمر قلبى فى هنا وسرور

هيبقى ليا رفيق يبنى معايا قصور

وفضلت قاعد اقول والقول يطول ويطول

اقول حبيبى فين يبقى معايا وانول

انول منايا وهنا يكفى كل الكون

النوم يخاصم جفونى وتروح معاه الظنون

يميل حبيبى واميل على جناح دافى

واميل عليه يروينى ريق الحبيب شافى

ادى القمر غاب عنى والحلو طول غيابه

لو انه كان جانى ماخلاص نسى احبابه

الدمع سال ع الخدود ياحلو بالود جود

ومهما طال انتظارى هاستنى لما تعود

.....................

اللى تعجبه يرد

الله عليكى يا اميرتنا الصغيرة
تسلمى
انا بفكر اعمل مسابقة افضل شاعر ف المنتدى

جميل جدا يا رغدة تسلمى

زائر

رووووووووووووووووووووووووووعه يا رودى

عاجبنى بصراحه

حلو خاااالص يا رودي

مرسى ياجماااااااااااااااااااااااااعة

انتظروا المزيد

وبصراحو بتشجعونى وبترفعوا روحى المعنوية

مرسى لكل ال رد (محمود ومنى وزينب وعلياء)

حلو كتيييير يا رغداء والله شاعرة من يومك

جااااااااااااااااااااااااااااااااااااامد يا رودى تحفة انا هستخبى احسنلى

مرسى ياطمطم وياننوسة ع الرد

احنا المفروض ال نستخبى ياننوسة

واحنا هنيجى جنبك ايه