وانا صغير ........

احلى سلام لاحلى اعضاء كانوا ف يوم اطفال وهما كانوا اطفال كانوا بيعملوا حاجات ... دلوقتى لما يفتكروها يضحكوا نفسهم اوى

اكيد كل واحد مننا كان ليه مواقف معينة وهو صغير كل لما يفتكرها يضحك

يا ترى كنتم بتعملوا ايه ؟

عايز تفاااااعل

.................................................
انا عن نفسى كنت عامل جدول واكتب فيه انا صليت لحد دلوقتى اربع صلاوات عصر و خمسة ظهر و 2 مغرب وما لا يذكر ابدا من العشا مش عارف ليه

وكنت استاذ ف تخريب الكومبيوتر

عمرى ما روحت لقرايبى غير لما ابوظ الكمبيوتر بتاعهم

لحد مبا مستحرم عليا اقعد عندهم ع الكمبيوتر


وف حاجات كتير بس انا دلوقتى مش فاكر اوى

..................................................

اكيد ف كتير

تسلمى على مرورك

نورتى الموضوع والمنتدى يا نانسى

اول حاجه بجد بجد نااااااااااااااااايس توبيك
انا حاولت اقتل اختتتتتتتتي كتيييييييييييييييييييييييير
لاني كنت مدلع جاااااااااااااااامد واول لما هيا اتولدت معدتش حد بيعبرني ففكرت في مليون فكره
اني اققتلها وحاولت كتير \ لكن للاسف كلها فشلت
بس الكلام ده وانا صغييييييييييييييير دلوقتي بقينا انا وهيا اعززززز اصحاب
ربنا يخليها ويحميها ويحفظها ويسترها يا رب
واكيد في حجات تانيه كتير هقولهالك واحده واحده يا معلمي

انا لما كنت صغيونه جدي اتجوز بعد ما ماتت جدتي وكان عندي خال اووووه لما صار عندوا 3 سنين كان عندي 8 وكان دائما مرتبط بماما فظنيت انها بتحبوا اكتر منوا كنت بضربووووا ضرب جاممممممد وبعديها لما كبر شوي ابتعد عنها والله كنت هموتوا ااااه انه مزعج كتيييير

ننوسة كتب:

يا ريت يا ميدو توصل لاختك سلامى و قولها خلى بالك من نفسك يا سارة

ههههههههههههههههههههههههههههههه
اوكييييييييييييييييييييييييييي اكيد هوصلها سلامك
ومتخفيش عليها هيا كانت غلبانه وهيا صغيره بس لما كبرت بقت عفريييييييييييييته
وبعدين منا قولتلك احنا بقينا اعز اصحااااااااااااااااااب
وبرده هقولها تخلي بالها من نفسها عادي
هههههههههههههههههههههه

انا شكلى فقدت الذاكرة

بس ده موقــــــــــــف لحد ماتشتغل

وانا صغيرة كانت سنانى لسة بصحتها (قلبتم عليا المواااااااااجع)ااااااااااه يانى
فكنت باطلع طاقتى دايما فى حاجة مفيدة
كنت باكل خشب الشباك ولسة اثاره باينة حتى الان

هتقوليلى
بس الموهـــــــــــــــــبة راحت خلاص معتش فيه سنان خالص

هههههههههههههههههههه طيب والله فكره
غسيل معده طبيعي بدل التكاليف
----------------------
انا بقي افتكرت حتت موقف انا كنت وانا صغير
كنت بالعب مع الصبيان وفي تانيه حضانه انا وواحد صحبي كنا قاعدين علي حاجه عمله زي
عربيه صغيره كده بتتزق فقعد عليها اناا وصحابي
وفضلوا العيال يزقونا لحد لما خبطنا في مطب ووعقت وضفري اتكسر وصابع صحبي اتكسر
من ساعتها اتفقت انا وهو منلعبش مع صبيان تاني ونلعب مع بنات بعد كده
هههههههههههههههههههههههههه

كووووووووووووويس
عشااااااااااااااااان تعرفم ان الصبيان وحوووووووووش

لالالا منا من ضمنهم بقي كده
مفي بناااااااااااااات وحشوووووووووووش بردك
في كل شئ في كده وفي كده

دوووووووووووووووول قليلين اوووووووووووووووووى

انا وانا صغيرة كنت لما اجى انام بابا بيحكيلى انا واخويا الكبير حدوتة
فاحمد يا عينى كان غلبان وبينام اول لما كان بيقول كان يامكان
اما انا بقى فكنت غلسه مووووووووووت كنت اقعد اسمع الحدوتة لحد ما تخلص
او بابا هو اللى ينام بس طبعا كنت بصحيه
وساعة كنت بغلس اكتر واقوله احكى واحدة كمان

ولما كان بيجى م الشغل وهينام ادخل اغلس عليه وهقوله انا كمان هنام احكيلى حدوته بقى
يقعد يحكى يحكى لحد ماهو اللى ينام اطلع طبعا بره الاوضة لماما واخويا
وانا بضحك واقولهم ضحكت ع بابا وخليته هو اللى ينام

دول اللى فاكراهم دلوقت لما افتكر حاجة تانية هقول

ههههههههههههههههههههههههههههههه
شكلك كنت شقيه قوووووووووووووووووي يا جسي
-----------------------------
انا بقي كنت وانا صغير وحيد شويه او مليش غير صاحب ولا اتنين
وطبعا لاني اتربيت في السعوديه مكنتش بنزلالشارع كتييير
يعني كنت ممكن العب كوره كل اسبوع مره او حتي كل شهر
بس كنت بحب الكمبيوتر والتلفزيون قوووووووووووووي
كنت عامل جداول لحياتي ماشي عليها
جدول لمواعيد افلام الكرتون وجودل للصلا وجودل للكمبيوتر و......و...
المهم انا كنت بنفذ جدوالي وانا صغير حلو قوي
لما كبرت عمري ما عملت جدول واحد ونفذتوااااااااااا

كنت في مره وانا صغير بتففرج علي فلم كرتون
لمهم اكشن فيه ضرب بالرصاص ومش عارف اه
روحت جايب مسدس الميه وعشت الدوووووور
فبابا جاي ياخد مني الرومت علشان يقلب
قلتله اوعي انته من الاشرار قالي بطل عبط
قولتله ماشي وقمت مشغل مسدس الميه علي وشه
دي اخر حاجه انا فاكرها من الي جرالي يوميها
اصل بعديها عينك متشفش الا النور علي الي حصلي
هههههههههههههههههههههههههههه

اكيد مش اكتر منك ياباشمهندس
مسدس ميه
عامل فيها رشدى اباظة ف فيلم الرجل التانى
ما علينا
انا بقى منت مغرمة بالمسلسل بتاع هركليز وزينة
كنت معجبة اووى بزينة
لدرجة ان خليت بابا يجبلى سيف خشب زى بتاعها
ولما جبهولى كنت فرحانة بيه فرحة الاهبل
وكنت عايشة فى الدور اووى
كنت اجيب كرسى او مقشة واعملها حصان
واقعد اضرب فى اخويا

فكرتنى بالسعودية
وقصة الحب الاولى فى حياتى
اول مرة خالى يشوفنى فيها كنا فى السعودية وساعتها كنت صغيرة اووى
وخالى ده اصلا كل العيال الصغيرة بتحبه اوى
وساعتها كان عندى بتاع تلات اربع سنين بس
فكان بيقعد يلاعبنى ويهزر معايا
وكنت كل شوية اقعد اسبله واقوله بصوت رقيق تتجوزنى يا خالو هشام
واروح لبابا واقوله خلاص يابابا خالو هشام خطبنى
لحد ما رجعنا مصر
وهنا اتجرحت اول جرح فى حياتى
لان خالى خطب
طبعا فى الفرح كنت زعلانة واقعدت اضرب عروسته واقولها انتى اللى خطفتى خطيبى
مرات خالى هى اللى حكتلى الموضوع ده ع فكرة



مش عارفة ليه كل اما افتكر طفولتى احس انى كنت اغبى مخلوقة فى الكون

===========================================
وبرده سافرنا السعودية تاانى بس كنت كبرت شوية وكنا مسافرين برى
وفى الباص اتعرفت ع بنت م سنى
كنا بليل بنقعد انا وهى ورا بابا وبابا ساعتها كان بيبقى نايم
واحنا عمالين نرغى
كتيررررررررررررررررررررررررررررررر وبصوت عاااالى
فبابا كا بيصحى م النوم يقعد يزعقلنا ويقولنا
حراااااام عليكم عايزين ننام شوية


==========================
وفى برضو مرة تانى واحنا السعودية
انا رحت السعودية خمس مراات ع فكرة
كان فى ورق مهم مع بابا بخصوص السفر وكده
المهم انى اقطعت الورق ده
ومحدش كان يعرف ان انا اللى قطعته الا اخويا وابن عمى
فبابا افتكر ان هما اللى اقطعوه
وهما مش راضيين يتكلموا عشان ميضربنبيش انا
فاقعد يزعقلوهم هما
وانا قاعدة وسطهم زى الملاااااك البرررئ ولا كأنى عملت حاجة
لو افتكرت فضايح تانى هبقى احكيها

هههههههههههههههههههههههههههههههههههههههههه
الله الله قصة حب مع خالك
ورغي مع صحبتك
وورق مهم بيطقطع
لا دنتي كنت عفريته
علي فكره موضوع الي بيبقوا اشقيه وهما صغيرين بيقوا اذكيا وهما كبار
وعلي فكره السفر البري ده اسوء سفر شوفته في حيييييييييييييييييييييييااااااااااااااتتتتتتتتتتتتيي
انا طبعا كنت عايش في السعوديه عشر سنين وكنت لما باجي مصر كل سنتين مره ولا حاجه
اقعد شهر وامشي بس كنت باجي بالطياره فجيت اربع مرات طيران هنا في مصر وطبعا رجعت طيران برده
لكن بقي لما بابا فكر يسيب السعوديه ونجي مصر خااااااااالص
بابا قالك بس نجرب البري
ويارتنا ما جربنا البري
كااااااااااااااااااااانت اسوء رحله طلعتها في تاريخ حياتي كلهااااااااااااااااا
اول شئ الرحله كانت يومين
ادبهدلت بهدله
والمفروض اننا ننام طبعا واحنا قاعدين علي الكراسي وانا مبعرفش
انام علي الكراسي ونوميييييييييي خفيف قوي قوي
وقدامي واحد ومراته كل خمس دقايق تخانقوا لما قرفوا اهللي الله يخربيوتهم
ونازلين لك وورغي طول الليل وشفت يا ايمن مش عارف اه
وجابوا في سيرت مصر كلها
وطبعا انا معرفش انام غير وانا علي سرير وكل الانوار مقفوله ومفيش صووووت خالص
فهلكت في الرحله دي من قلت النوم والتعب في نقل الشنط ومن اتوبيس للتاني ومن استراحه لاستراحه
لما وصلنا البيت فضلت نايم يوم كامل

هههههههههههههههههههههههههههههههه
لا لالا
اه الرومانسيه دي
بتشوفي مين الاتنين الي لايقين علي بعض اكتر
من صغرك رومانسيه
مش موضوع عقليه غبيه
دي عقليه مفكره
عشره علي عشره

MiDoOo كتب:

هههههههههههههههههههههههههههههههه
لا لالا
اه الرومانسيه دي
بتشوفي مين الاتنين الي لايقين علي بعض اكتر
من صغرك رومانسيه
مش موضوع عقليه غبيه
دي عقليه مفكره
عشره علي عشره

قلت كده محدش صدقنى
ولو تلاحظ عايزة خالى يتجوز ماما
وهما اصلا اخوات
مبدعة من يومى وافكارى تودى داهية