هل انت تاكسى ؟؟؟؟؟؟

هل انت تاكسى ؟؟؟؟؟؟

طبعا سؤال غريب و مش فاهمينو انا اقولكم

الراجل سواق التاكسى طول النهار بيبقى قاعد فى تاكسى بتاعه لحد ما يجي حد

و يقوله وصلنى لمكان معين و يأجره عشان يأدى مصلحته
و بياخد حق ايده ف الآخر و بياكل عيش

بس فى اشخاص بأ بيشتغلو تاكسى من غير مقابل و بيضيعو وقتهم و عايشنها سبهللة

اضربلكو مثال عشان الصورة توضح اكتر :

واحدة مثلا قاعدة طول النهار مورهاش لا شغلة و لا مشغلة و كل الى وراها

انها تسمع تامر حسنى و تحط ميكب اب عشان تروح البارتى الى عاملاها صاحبة اختها

و تيجى واحدة تطلب منها انها تيجى مشوار معاها لمصلحة معينة تقوم تروح جررررررررى

و لما تخلص دى تروح مع غيرها و هكذا ..........و دمتم سالمين

اما صاحبنا التانى الى قاعد طول النهار ادام البلايستيشن و هات يا طحن و ضرب

و يتصل بيه صاحبه يقوله انا بدور على شغل ليا عشان عايز اخطب بأ و اجوز و افتح بيت و يقوله ما تيجى معايا تسلينى
ف المشوار ده يقوم يروح جرررررررررى

و فى امثلة كتيييييييير بس عشان مطولش عليكو

الناس الى زى دول بأ تكاسى مية مية لانهم مشغولين بس بأهداف غيرهم و بأو جزء من اهداف الآخرين

طب ليه انت / او انتى ميبقاش ليكم اهداف و بتسعو لتحقيقها

و محدش ياخدكم تاكسى لأهدافه هو ؟؟؟

و اوعو تفهمو غلط انا مقولتش لحد متساعدش اصحابك لأ ده واجب و بالعكس انت لازم تقف جمب اصحابك دايما

بس لازم يبقى في اولويات للأعمال تسعى لأهدافك الأول و تتقن عملك و بهد كده تساعد غيرك
فى تحقيق اهدافه

يا ريت تكون رسالتى وصلت

و محدش منكم يبقى تاكسى


من ابداعى

اه و نسيت اقولكم الى شايف نفسه تاكسى يغير و يبقى اتوبيس ههههههههههههه

تحيااااااااااااااااتى : ننوسة

انا ترددت كتير انى احط الموضوع ده لان خايفة ان ميعجبش حد

لا والله نايس توبيك
احسن حاجة فيه انه بسيط وليه مغزى ف الاخر مفيد
تسلمى يا ننوسة عايز من ده علطول

جميل جميل جميل
يا نانسى

حلووو كتير عجبنني

تسلمووووووووووووو يا جماعة بجد شجعتونى و انتظرو كل جديد ان شاء الله

جامد ياننوسة والله المفروض تخدى لقب مبدعة المنتدى
او الابداااااااااع االدائم

موضوع جامد يا نانسى الحاجات دى كانت فين من زمان